Tha Umnak Ca I Dinmi (Energy Drinks) Nih A Chuahter Khawhmi Dam Lonak

Tha umnak ca i dinmi (Energy drinks) timi pawl hna hi, rianhrang a tuan deuhmi hna le zanrian (nightship job) a tuan deuhmi hna nih din khun deuhmi a si. A ruang cu mitkuh zong a hrioter deuh pinah thazang zong a um deuh i riantuan caan chung caah thahnem deuh seh tiin, mitam u nih kan din tawn.

A hleice in, innsak le lam cawhnak ah rian a tuanmi hna nih an din khun i nikhat ah dur 4 in dur 5 tiang hna an din. Cu bantukin zarh 3 chung an din ahcun a zualhma taktakmi thin zawtnak in sizung an phan colh kho tiah sibawi thiamsang hna nih an chim.

US ram ah mipa pakhat kum 50 a si cangmi cu zarh 2 chung pehtlai tein energy drink cu a din i, paw fahnak, chungnonak le luakchuahnak in sizung a phan. Amah nih cun a damlonak cu tlangrai sawhsawh ah a ruah nain a zun a sen, a takvun le a mit a rangmi hna cu aihre zawngah aa tlengmi nih a zawtnak ruang cu a langhter.

BMJ (Britist Medical Journal) pawl nih vitamin B3 asiloah niacin timi a ding lengmangmi hna hmanh khi zarh 3 chung an din ahcun, sivai tha lo phun khat ah an cang kho. Energy drink timi dur khat chungah khin niacin timi dat cu 40 gm tluk aa tel tiah an ti.

Cucaah, mah bantuk tha umnak ca i dinmi energy drinks pawl hna nih a chuahtermi thatlonak cu thinphin zawtnak, thinlinhnak le thin rawhnak hna hi an si.

Be the first to comment on "Tha Umnak Ca I Dinmi (Energy Drinks) Nih A Chuahter Khawhmi Dam Lonak"

Leave a comment

Your email address will not be published.


*