Vawlei Cung Holh Phun 7 A Thiammi Ngaichia Kum 4 Nute

Kum 4 te lawng a si rihmi ngakchia nute cu “Udivitelniye Lyudi” (Zumh awkah a har ngaimi minung pawl) an timi Russia ram TV chung i biahalnak an tuahnak ah vawlei cung holh phun 7 in a holh piak hna i, a zohtu mipi pawl hna cu khuaruahhar le ar koin a tuah hna.

Bella Devyatkina ngakchia nute nih fawi tein le piang koin holh phun tampi a chimnak zukcawl (film) nih cun vawlei cung mipi vialte hna cu an khuaruah a harter dih ko hna.

Bella ngakchia nute hi duh a nun lawng siloin nu hrinnak in aa chuahpimi pahrang thiamnak zong a ngei chihmi a si.

Duh a nung tukmi Bella ngakchia nute cu amah a chuahkhehnak Russia holh pinah miring holh, Germany holh, Spian holh, Pintit (French) holh, tuluk holh le Arabic tiin holh dang phun 6 a thiam chap.

TV chung i biahalnak an tuahmi ahcun a hlei in sianginn i cawnmi tete chungin mah holh phun pawl hna in bia cu an hal i a leh hna.

Ngakchia nute Bella cu kum 2 a siin  amah hringtu a nu nih holh phun thiamnak cu chimh hram a rak thok cang. A nu nih cun mirang holh kha a chim hmasa i a hun thiam deuh hnu in holh phun dangdang hna zong cu a chim than hna.

Bella ngakchia nute nih cun holh phun pawl an cawn hna lioah hin, si a duhmi a zanmang cu cartoon zukcawl (film) chung i a zoh tawnmi “ngatainu” bantukin tic hung ummi saram pawl va chawnh biak thiam khawh kha a si.

Be the first to comment on "Vawlei Cung Holh Phun 7 A Thiammi Ngaichia Kum 4 Nute"

Leave a comment

Your email address will not be published.


*