Kawl Cozah: UN Security Council Ah Ms Yanghee Lee Cu Kan Thlenpiak Uh

Kawlram cozah nih ramchung luhkhawhnak nawl an phih/khar piakmi UN palai, Ms. Yanghee Lee nih nizan tihni (Jan 14) Thailand le Bangladesh ram a tlawn lai ah Kawlram chung luhkhawh thannak nawl a rak hal hna.

A si nain, Kawlram cozah nih an lehmi cu Ms Yanghee Lee cu kan ramchung luhkhawhnak nawl kan pe hlei lai lo. A riantuan ning cungah kan lung a tling lo.

Image result for yanghee lee

Ms Yanghee Lee a riantuan ning kan zoh tikah duhdanhnak a ngei, a khing rihzan aa khat lo, cun a dik lo tiin kan hmuh caah cozah nih ramchung luhnak nawl kan pek duh lonak a si tiah U Aung Kyaw Zan (deputy permanent secretary of Foreign Affairs) nih a chim.

Cun, U Aung Kyaw Zan nih a nolhchapmi cu, kan ramchung nuhrin covo kongah Ms Yanghee Lee nih biathlehnak a tuahmi cungah ramchung mipi hna zong an lung a tling lo, cucaah rammi hna nih ral an kawl lai ti zong kan phanpiak caah a si tiah a ti.

*** Ms Yanghee Lee cu 2017 kum, Kawlram chung nuhrim covo ngiatthlainak a rak tuak lioah Kawlram cozah nih miphun tanh in rian na tuan tiah an rak puh caah Kawlram chung lut khawhnak nawl cu December (2017) ah an rak phihpiak.

UN Palai Ms. Yanghee Lee, Nuhrin Covo Kongah Kawlram Chung A Luh Than Kho Men

Mah batukin UN palai Ms. Yanghee Lee nih a ra laimi March thla chungah tuah dingmi a voi 40nak, vawlei cung pumpi nuhrin covo kong ceihhmainak ah a khualtlawnnak kong he pehtlai in Kawlram chung nuhrin covo kongah a hmuhtonmi vialte hna cu chimphunnak a ngei te lai.

U Aung Zaw Oo (Kawlram chung nuhrin covo kongah chim/relpiaktu director pakhat a simi) nihcun Kawlram chung nuhrin covo kong thlicang hi thup duh hlah uh, Ms Yanghee Lee hi ram chungah luhter ko ulaw a rian cu tuan ko seh tiah cozah sinah nawlnak a tuah ve

A si nain, Kawlram cozah nih UN Security Council ah Ms Yanghee Lee hi Kawlram chung nuhrin covo kong ngiatthlainak tuahtu si ti lo dingin midang kan thlenpiak uh tiah an hal ve.

Cucaah, mahtining tein a si ahcun Ms Yanghee Lee cu Kawlram chung nuhrin covo kong tolrelnak a tuahmi vialte cu tlamtlinter khawh ding a si ti rua lai lo.

Related image

Myanmar Times – English

Be the first to comment on "Kawl Cozah: UN Security Council Ah Ms Yanghee Lee Cu Kan Thlenpiak Uh"

Leave a comment

Your email address will not be published.


*