Manny Pacquiao: Mayweather He Thongh Than Ka Duh

Manny Pacquiao nih American Boxer Adrien Broner sinin world welterweight champion a sinak cu a runven khawh than caah WBA vawlei cung Welterweight Title cu Pacquiao nih a kut in aa hum lio a si rih.

Naite, Zarhteni, Ametican Boxer Adrien Broner he Las Vegas i an i thongh lioah khan Mayweather zong nih ring kam tein a rak zoh ve hna.

Manny Pacquiao nih Mayweather he i thongh than a duhnak kong cu teinak a hmuh hnu Boxing Committee chungtel biahaltu hna sinah a langhter.

Manny Pacquiao cu kum 40 a si cang nain, keimah cu ka thekvak tha tuk rih Mayweather cu Boxing Ring ah rak kir than sehlaw ka welterweight title cu rak ka cuh tuah seh. Zeicatiah keimah cu champion ka si tiah a ti.

Manny Pacquiao le Mayweather an rak i thonghnak hi kum 3 tluk a rau cang. 2015 lioah khan an rak i thongh kha si.

Cun, Manny Pacquiao nih kei cu a ka zuamcawhtu hna khi ahohmanh ka thim bal hna lo. Ahonihdah an ka zuamcawh (challenge) lai i honihdah ka taisawm hi an ka cuh lai ti lawng a hngakmi hna ka si tiah a ti.

CNN

Be the first to comment on "Manny Pacquiao: Mayweather He Thongh Than Ka Duh"

Leave a comment

Your email address will not be published.


*