New York Mithattu Pa Cu A Paw Ah An Kah Ve

Cawnnihnih ni, New York khuapi ah Uzbek rammi pa nih truck mawtaw in zalam cung mipi hna cu a pah hna caah minung 8 an thi i hliamhma tuar in siin a phanmi a tlawm bik minung 12 an si tiah CBS News nih a langhter.

Thahnawnnak tuahtu pa hi Uzbekistan ram in kum 2010 ah US ram a rak phanmi a si. US ramchung Florida le New Jersey peng hna i inn aa hlannak hmun hnih ah a ummi a si.

Sayfullo Habibullaevic Saipov kum 29 a simi pa nihcun World Trade Center, Manhattan tang deuh baisikal (bicycle) citnak zalam cung mipi hna cu a pah hna. Cun mawtaw cung cun a tum than, meithal deu a simi aa put i “Allahu akbar,” tiah Arabic holh in a au pah.

Cu lioah cun New York palik riantuannak ah 2012 kum in a rak lutmi Ryan Nash kum 28 a simi nih  Sayfullo Habibullaevic Saipov mitfhattu pa cu a paw ah meithal in a kah hnu ah an tlaih khawh ve.

Mah Bus zong hi a pah chihmi si, siangngakchia tete tam ngai a hliamh hna.

Mah bantukin Sayfullo Habibullaevic Saipov nih aa hlan chommi truck mawtaw in zalam cung mipi thahnawnnak a tuah hi New York caan in zanlei suimilam 3:05 Pm ah a si tiah Abc News nih a langhter.

Mail Online, Abc News, CBS News

 

Be the first to comment on "New York Mithattu Pa Cu A Paw Ah An Kah Ve"

Leave a comment

Your email address will not be published.


*