Tom Cruise, Mission Impossible 6, Baisikup Aa Thlaknak In A Ruh Hmun 2 A Kiak

Vawlei cung lemcang minthang a simi Tom Cruise Cu Zarhpini, London ah Mission Impossible 6 nak baisikup aa thlak nakin hliamhma a ton sual ruangah a ruh hmun 2 a kiak tiah an langhter.

Kum 55 a si cangmi minthang minta Tom Cruise cu ngamhsang emem in baisikup aa thlami a si caah a min zong a than khunnak a si i (The Daredevil Actor) tiah an kawh.

Mission Impossible tiin tlangtarmi baisikup cu a pehpeh in Tom Cruise nih aa thlakmi a si i vawlei cung minthang baisikup a si. Atu aa thlak liomi le hliamhma ruh kiah a tonnak hi a peh 6 nak “Mission Imposible 6,” cu a si.

Tom Cruise cu baisikup aa thlak lioah cun inncung khat ti lei ah tlik pah buin a per i inn cungah a va tlak ning a hman lo caah a fengbeo ruh hmun 2 in a kiah i thlopbulnak tuah dingin US ah an kirpi tiah The Sun nih a langhter.

Tom Cruise nih a tonmi hliamhma cu ruahnak nakin a fak deuh caah thla 1 chung caan lakin thlopbulnak tuah a hauh caah baisikup ngeitu Boss pawl hna zong nih duhthimnak ngei kho loin “Mission Impossible 6,” baisikup thlak pehzulhnak ni cu thawn an hau ko tiah chirhchanhnak nih a langhter.

Tom Cruise nih aa thlak cuahmahmi minthang baisikup, “Mission Impossible 6,” cu kum 2018 tthal caan ah chuak kho dingin timhtuahnak an ngei nain, caan sau nawn ngol chung a hauh lai caah Khristmas thla tu ah chuak kho dingin an zumh.

DM

Be the first to comment on "Tom Cruise, Mission Impossible 6, Baisikup Aa Thlaknak In A Ruh Hmun 2 A Kiak"

Leave a comment

Your email address will not be published.


*