Mbappe Hi Cu Uar Um Ko, Sala Thihnak Vanlawng Mawngtupa Ruak Kawlnak Ah Phaisa Tampi A Pek Hna

Kylian Mbappe Lottin, kum 20 lawng a si rih, 2018 vawlei cung mino vialte lakah bawlung chuih thiam bik lawng siloin a thinlung ruahnak hrim hi a puitling tuk pinah midang bawmh duhnak lungput ttha hrim a ngei. Amah uartu Fans pawl hrim nih an thangtthat ngaingai.

Kan hnung Jan 21 ah vanlawng fami pakhat in Emiliano Sala (Cardiff City F.C. in hmaikal) le vanlawng mawngtu Mr Ibbotson (pilot) hna cu Nantes in UK lei panh in an zuan nakin accident an rak tong.

Sau nawnte, an tlau tiah thawngthanhnak an tuah i an kawl hna hnu ah bawlung chuihthiam Emiliano Raul Sala, kum 28 i a ruak cu Jan 7 (Cawnnili ni) ahkhan an rak hmuh khawh.

A si nain, vanlawng mawngtu pilot a simi Mr David Ibbotson cu nihin ni tiangah an hmu kho rih lo caah heh tiah an kawl cuahmah lio a si. Pilot Mr. David Ibbotson ruak kawlnak fundraising zong an tuah i USD $387,991.50 (£300,000) tiang chuak kho dingin timhpiaknak an ngei.

England captain hlun a simi Gary Lineker zong nih USD $1293 (£1000) a hlut ve. A si nain, Pintit (france) hmaikal thiam bik Kylian Mbappe Lottin nihcun Pilot pa ruak kawlnak ah USD $34,910 (£27,000) bakte a hlut hna. Mah phaisa Mbappe nih a hlut hna nakah a hmanmi a min cu Elie Lottin ti a si. #BBC

Footballer Kylian Mbappe

Be the first to comment on "Mbappe Hi Cu Uar Um Ko, Sala Thihnak Vanlawng Mawngtupa Ruak Kawlnak Ah Phaisa Tampi A Pek Hna"

Leave a comment

Your email address will not be published.


*