Kawlpawl Zia Le Mithat Lainawngpa Luatnak Thlacampuai

U Ko Nyi cu Kawlram chungah upadi thiam sang bik a si ti usihlaw kan palh lai lo, thah a tonnak kongah Kawlpawl nih leirawinak a um hrimhrim ti cu a ho paoh nih rak ruah ciomi a rak si.

Kawlram chungah cun ethnic minority tlangcungmi chungin hruaitu thiamsang pawl hmanh hi kan him tuk loin ka hmu. Zeicatiah, Kawlram tuanbia kan zoh tiah uknak kong he pehtlai in mithah fial (Assassin) timi a rak um pengmi a si caah a si.

Upadi thiamsang U Ko Nyi zong hi Assassin bakin thahmi a si ve ko ti elawk tha lo bak a si ve. A si nain, Kawlpawl cu an zeihmanh poi lai lo. Mithattu lainawngpa phung buartu a simi pa tu kha heh tiah an dirpi ko lai.

Atu zong khi zoh hna ulaw, an tuahmi thlacamnak puai khi biaknak an i bochan tuk ruang zongah si lai lo, mithattu lainawngpa kha Kawl miphun sit a si ca tu ah an tuahmi a si deuh.

Fir le tlei, damiah le thongtlak lawng a rak tuan peng komi Kyi Lin nih ram pumpi tthatnak ca riantuan tu thiamsang U Ko Nyi meithal in a hei kah mei ko. Mah cu Kawlpawl nih mithat lainawngpa le aa tel vemi minung 4 hna cu luatter ko hna uh tiah thlacampuai an hei tuah rih, fih cu an nung ko mu.

Be the first to comment on "Kawlpawl Zia Le Mithat Lainawngpa Luatnak Thlacampuai"

Leave a comment

Your email address will not be published.


*