India: Zuu Chia/Man Fawimi Din Ruangah Minung Tampi A Thi (Video)

Nichuah Chaklei India ram ah zuu dinnak in minung tam lakte an thi. Zarhte ni (Feb 23) ahkhin zuu an dinmi sivai ttha lo ruangah minung 58 an thi. Atu tiangah zuu dinnak in a thimi minung 150 tiang an hung karh cang tiah palik pakhat nih a chim.

A hleice in Arthan distrct ah zuu din ruang i a thimi cu an tam khun, a thimi minung 156 an si cang hna. Cun an peng chuung vialte siin kipah zuu din ruang i thlopbulnak an tuahmi hna cu minung 200 leng an si hna.

Golaghat peng chung zongah zuu sivai in sermi an dinnak ruangah minung 85 an thi ve cang tiah peng uktu changtu a simi Dhiren Hazarika nih a langhter. Cun zuu din ruangah siin nih thlopbul cuahmah liomi minung 100 hrawng an si. A si nain, lakhruak (emergency) in siin a rak panhmi bel zor lei an panh ve tiah a ti.

Mah zuu dinnak ruang i thihloh a can hi kan hnung zarh Cawnnili ni (Feb 21, 2019) khan aa thokmi a si. Nu zuding a simi hna zong tampi an itel ve. A si nain, a tam deuh hna cu lakphak kung ciinnak hmun ah riantuantu pawl deuh ngawt an si hna.

India ram, khuate kenne deuh a sinak hmun ah mah bantuk zuu chia hi an ser khun, a man zong a fawi caah sifak santlai lo deuh nih an din khun. Cucaah kum fatin in zuu din ruangah minung tampi a thi theu lengmangnak hi a si.

Cucaah, mah zuu ruangah mitampi thih le loh an tonnak kong he pehtlai in dothlatnak le dantatnak biatak tein kan tuah lai tiah district penguk bawi a simi Assam Sarbananda Sonowal nih  a ti. #Mizzima

အိႏၵိယမွာ အရက္အဆိပ္သင့္ၿပီး ေသဆုံးသူဦးေရ ၁၅၀ ေက်ာ္အထိ ရွိလာ

အိႏၵိယမွာ အရက္အဆိပ္သင့္ၿပီး ေသဆုံးသူဦးေရ ၁၅၀ ေက်ာ္အထိ ရွိလာ************************************* အိႏၵိယႏိုင္ငံ အေရွ႕ေျမာက္ပိုင္းမွာ အရက္အဆိပ္သင့္ၿပီး ေသဆုံးသူဦးေရဟာ စေနေန႔က ၅၈ ဦး အနည္းဆုံး ရွိခဲ့ရာမွာ ခုခ်ိန္မွာ ေသဆုံးသူဦးေရဟာ ၁၅၀ အထိ တိုးျမင့္လာေၾကာင္း ရဲက ေျပာပါတယ္။သတင္းအျပည္႔အစံု -http://www.mizzimaburmese.com/article/54947

Posted by Mizzima – News in Burmese on Sunday, February 24, 2019

Be the first to comment on "India: Zuu Chia/Man Fawimi Din Ruangah Minung Tampi A Thi (Video)"

Leave a comment

Your email address will not be published.


*