October Thla zong, US Kalnak Thawngpang A Ttha Hoi Lo

Kan hnung ahkhan, September thla chungah US kal dingmi an tlawm lainak kong ka rak langhter cang. September thla chung lawng hlah maw a si lai tiah atu hi October thla chung zong ralzam cohlan dawh an si hoi lo.

Kum dang ning ahcun September thla hrawng paoh hi cu US kalmi an tam cem caan a rak si lengmang nain, an cozah hruainak a vun i thlen hnu hincun ralzam an laak tawn ning milu zat zong an thumh, ralzam bawmhnak an pekmi zong an thumh tikah ram2nak taang pawl caah cun thawngpang tha lo ngai a hung si.

October thla chungah US kal dingin thawngthanh ciami minung tlawmpal a simi hna cu leet than an si. Cucaah, kal a hngakmi hna nih October thla chung hi cu US kal ding ruahchan awk a um rih lai lo, US cozah lei in aa thlennawngmi a um lo ahcun.

A ruang bik cu US cozah nih naihrawng hi ralzam cohlan le ramchung luhter dingah tam ngai ngaiin milu a hun tthumh pinah lakhruak phun in phihkharnak zong an tuah caah a si ko.

Micheu khat cu US phan dingin US ummi kan chungle pawl thawng an thanh cang hna timi zong nan um kho men, cun cheukhat cu kan MY number (website) chungah kalnak ding ni/thla a cuang cang nain timi zong nan um len ko hna.

Cucaah, US cozah lei in thawngpawng fiang a um hlan chung cu khuaruahhar tuk in um awk a si lai lo. Amah belte kal deng ding kan si ko tiah rian in idinh chung, asiloah umnak inn i ap cia chung,…tbk bel kha cu i ralrin deuh ah a tha. Thawngpang fiang a um than tikah vun pehzulh zau khawh kan i zuam than te hna lai.

Theihternak: Website in copy post a ngah lai lo (Pumpak timeline lawngin share a ngah)

Salai Eric Cenhrang

Be the first to comment on "October Thla zong, US Kalnak Thawngpang A Ttha Hoi Lo"

Leave a comment

Your email address will not be published.


*