Malaysia Immigration: B4G Program Sawktu Phung Ning Lo Ramdangmi Minung 50,000 An Si Cang

Malaysia ramchung ah phung ning loin a um i rian a tuanmi an tamtuk caah, thlaihkhihnak fak piin an tuah cuahmah. A hlei in, 2019, August 1 in December 31 tiang fak chinchin in ramdangmi checknak le tlaihkhihnak an tuah lai.

B4G (Back for good) program tiah min an bunhmi, “nan kir ah a ttha,” tiah phung ning loin a ummi le rian a tuanmi ramdangmi hna caah offer phun in an tuahmi program a si.

B4G a sawkmi paoh cu, anmah tein vanlawng ticket an icawk i phaisa 700Rm an liam ahcun zei dang dantatnak um ti loin an ram ka tluntet ko hna lai timi zaangfah velngeihnak an pekmi hna program a si.

August 1 in October 3 tiangah, B4G program cu a sawktu minung 49,472 a si i minung 50,000 helham an phan cang tiah immigration nih an langhter. Mah chung sawktu ram a simi tam bik hna cu Indonesia, Bangladesh, India, Pakistan le Myanmar rammi an si hna tiah Chief Director Jim Datuk Khairul Dzaimee nih a chim.

B4G program cu 2019, December 31 pin a caan kan sauh ti lai lo. Mah program hi Malaysia ram nih kan ngeihmi phung 1959/63 (Act 155), phungbuartu hna caah dantat luatnak caan ttha taktakmi a si.

2019, January 1 in Oct 3 tiangah, Malaysia ramchung hmun kipah phung ning lo ramdangmi tlaihkhihnak kan tuah. Operasi hmun kip tuah in ramdangmi minung 159,372 chekhlatnak kan tuah hna, minung 45,498 hna cu an kong ceih dingin hren an si hna. Rian ngeitu minung 992 zong tlaihchih an si ve.

Mah chungah phung ning lo ramdangmi minung 9,349 hna cu thonginn ah kuat an si. Pa 7,532 an si, nu 1752 le ngakchia 245 zong an itel. Thonginn ah kuat cangmi a tam deuh hna cu Indonesia, Bangladesh, India le Myanmar rammi an si hna tiah Khairul Dzaimee nih a langhter.

 

2 Comments on "Malaysia Immigration: B4G Program Sawktu Phung Ning Lo Ramdangmi Minung 50,000 An Si Cang"

  1. I like the helpful information you provide in your articles.
    I will bookmark your weblog and check again here regularly.
    I am quite certain I will learn many new stuff right here!
    Good luck for the next!

  2. Every weekend i used to pay a visit this website,
    because i wish for enjoyment, as this this web site conations actually pleasant funny data too.

Leave a comment

Your email address will not be published.


*