October Le November, Ramthumnak (US, AUS, CA, NZ Le Korea) Kalnak Kong Thawng Bultan!

Nai hrawng cu ramthumnak kalnak kong thawng kan thanh lonak a sau ngai, theih a duhmi hna caah Octorber le November (thla 2 hnih chung) ramthumnak kalnak kong ka vun langhter than.

Tutan thla hnih chungah ramthumnak a simi (US, Australia, Canada, New Zealand Le Korea) ram hna ah kalnak kong a si.

October thla chungah khancun US ram ah ralzam a kalmi an rak um lo. Kum chiar ngawt in mah thla chungah hincun a um tawn lo. Asinain, Australia, Canada le New Zealand ah ralzam minung tlawmpal an kal.

Australia ram ah ralzam minung 15 an rak kal, mah chungah Chin ralzam minung 12 an itel. Cun Chin ralzam itel loin Canada ram ah minung 5, le New Zealand ah minung 4 an si hna.

Cun November thla chungah cun (US, Australia, Canada, New Zealand Le Korea) ram hna ah a kalmi hna an si. An dihlak ah ralzam minung 80 lawng an si hna.

US ram a kalmi ralzam minung 21 lawng, Chin ralzam minung 11 itel a si. Cun Chin ralzam itel loin Canada ah minung 4 le New Zealand ah minung 20 le Korea ram ah  minung 13 an si hna.

Cun November thla chung Australia ram ah a kalmi ralzam minung 22 an si. Mah chungah hin Chin ralzam minung 9 an itel ve.

Notes: bantukin tukum a tangmi December thla chungah US ram kal dingmi cu an um lai nain, Australia ram a kal ding bel cu an um rih lai lo. A ruang cu Vanlawng tthutnak (sit available) lawngmi a um ti lo caah a si. Asinain, kum vui, January thla hramthok in a kal dingmi um a si than te lai.