Chin Ralzaan Hnon An Sinak Ko He Pehtlaiin UNHCR he Ton/Biaruahnak Ngeih Kan Herh (By CNF Lutlai Pakhat)

Ramleng phan Chin ralzaam, UNHCR nih ralzaam sinak in hnonnak thawngthanh an tuahmi kong he pehtlaiin CNF chungtuan lutlai pakhat nih Chin Ralzaam dirhkamhnak caah tuah a duhmi cu mahtihin a chim.

UNHCR zungpi nih Chin ralzaam hnon an sinak kong ah ralzaam dornak ram a simi cozah hna le UNHCR hna he ton biaruahnak ngeih i rinhchanh tlak a simi phichuak kawlti ding tiah CNF lutlai pakhat nih a chim.

Myanmar ah puitling deihnak taktak a um rih lo caah UNHCR nih Chin ralzaam cung i an biachahnak cu leetter than hna ding le caanlak in phichuak tha kawl hmasa ti ding, tiin Pu Htet Ni nih a chim tiah Khonumtung Burmese nih a langhter.

Kawlram cozah le tlangcung miphun karlak ah ram deihnak kong biaruahnak kan ngeih lio lawng a si rih. Zei bantuk theipar dah a chuak te lai tiah zeihmanh theih a um rih lo caah UNHCR hna he caansau lakin Chin ralzaam kongah a fekmi phichuah tha kawlti dingah tonnak ngeih kan herh tiah CNF chungtuan lutlai 3nak a simi Pu Htet Ni nih a chim.

Notes:

Kawlca in Pu Htet Ni a timi khi a palh kho men. Khonumtung Burmese tialmi chungin a tawinak in vun tialmi a si.