US Ralkap A Tlaumi Chungin Minung Pakhat An Chanh Khawh

Cawnnithum ni, Japan rili cungah US tiralkap vanlawng pahnih in a tlaumi hna lakah ralkap pakhat cu an chanhchuah khawh cang, nain a tlaumi ralkap minung 6 an tang rih.

KC-130 le F/A-18 Hornet timi tiralkap vanlawng pahnih accident a tongmi hna cu Hiroshima pawng, Iwakuni ah hram an bunhnak hmun in zinglei suimilam 2 Am hrawngah training tuah dingin aa thawhmi an si. (US caan in Cawnnithum ni, chun suimilam 12 Pm hrawng)

Japan Nitlak-thlanglei Shikoku tikulh cung um, Muroto Cape thlanglei rili cung i an zuan pah buin datsi an rawnnak ruangah accident an ton hi a si tiah Japan Defense Minister pa nih a chim.

F/A-18 Hornet vanlawng ahcun a mawngtu pahnih lawng an thu i, KC-130 ahcun adang minung 5 an i ciit hna.

Japan nih fel tein chanhchauh le kawl an bawmh ve hna, minung pakhat an chanhchuah khawhmi zong Iwakuni siin ah thlopbulnak an tuah lio si.

Japan ram ah US ralkap minung 50,000 nak tam hna cu humhimnak caah ram hnih hnatlaknak in riantuanti dingah an chiah hna. (Fox News)

Comments are closed.