US Kal Lai, Thitah Ni Ah Cancel A Tam Ngai, Ralrin Awk Theihherh (Breaking News)

Atu lioah, Malaysia ralzam chungin US (ramthumnak) a kalmi ah Chin ralzam tam bik itel a si. Cu hlan zongah kan rak langhter lengmang bantukin tukum (2019) chungah minung 3000 lengkai US ram kal kho dingin timhtuah a si.

OPE/RSC zung zong nih Chin ralzam hna cu papek in tolrelnak a tuah hna ti zong ti khawh a si, interview phit ah a rak rami paoh nihcun an i fiang ko lai. zeicatiah OPE/RSC tthutnak/hngahnak hmun ah Chin ralzam deuh ngawt lawngte kan si caah a si.

January le February thla 2 chungah US (ramthumnak) lawngah a kal cangmi ralzam minung 450 tluk an si cang. Mah chungah hin a tam bik in Chin ralzam deuh ngawt kan si hna. Tidim/zomi kan unau pawl le thlalei Laitlang pawl ko an tam hna.

Chinmi ralzam kan cungah Pathian a ttha, mah bantukin kan caan a dihlei sang ah papek kan si hi ilawmh awk tuk a si. OPE/RSC phi cang a simi hna paoh nihcun hnangam awk a si ko, US (ramthumnak) phaak khawhnak caantha a um ko.

Amah belte, tlangah kan tar bantukin atu lio hi kal laite i thitah (Htoipawngching ni) kan timi ni ahkhin cancel a tongmi an tam ngai hna. Cu cancel an sinak a ruang cu fale damlo raungah tiah Doctor nih an cancel mi hna an si. Cucaah fale ngakchia deuh a ngeimi hna nulepa nihcun nan fale kha ramthumnak kal lai ahcun nan ralrin hna ngaingai a herh.

Cancel an sinak a raung pawl; tak dinte in a sat men zongah cancel, kutke le takpum a bomi (chickenpox phun) um men ah cancel, a puthuat phun in tak a bomi um men zongah cancel, mitfak mitsen ruangah cancel, cun thitha der/tum ruangah tiin cancel an si hna.

Ramthumnak kal lai ni ah cancel ton hi a fawite lomi thil a si, thlacam thlahnak zong tuah cia dih hnu a si, inn kong zongah siseh, a phunphun in, thinlung zong a nuam kho lo caah nulepa hna nih ramthumnak kal lai ahcun fale zong lengchuah vahpi tuk lo ah a tha. Thitah ni zongah lau hman lo ding, lau tuk ruangah lungtur hman lo khawh a si, cancelmi zong an um pah theu hna.

Chin ralzam cungah siaherhnak he…

Atang hmet law, January le February ta na hmuh lai>>>>

http://tialliant.sg-host.com/2019/02/12/february-thlachung-vialte-ramthumnak-kal-dingmi-thawngthanh/