Hmaizarh (April 1-4) Chung, US le AUS Kalnak Kong Thawngbultan!

Kum 2019 chungah dong lo cat lo tein  ramthumnak kal a um cuahmahmi hi lunglawmh awk ngai taktak a si ko, Laimi kan ca ko ah a si khun, kan caan a chia kan ti lioah Pathian nih kan upate hna hmangin a kan dirhkamh than lengmang.

Kan hnung ah March chung, US kalmi hna an dihlak milu zat ka rak langhter cang. Minung 221 an rak si, a tam cem in Chinmi kan itel hna. Rohingya minung 36 lawng an itel. Cun Australia ram zongah a kalmi dihlak minung 95 an si hna, Chin ralzam dueh lawngte kan si.

Mah link hi hmet law, March thla chung ta na rel khawh lai>>>>>>>>

http://tialliant.sg-host.com/2019/03/18/march-thla-chung-vialte-us-kalnak-kong-le-milu-zat-langhternak-thawng-bultan/

Tukum. 2019 chung Malaysia ram in ralzam ramthumnak kalning le a kal rih lai dingmi kong kan zoh tikah a ttha lei a panh ngaingai ko. A hleice in, Australia nih Chinmi tam deuh in an kan laak hnikmi hrim hi a si.

Atu, hmaizarh (April 1-4) karlak chung te lawng hmanh ah ramthumnak (US le AUS) ah a kal dingmi minung 114 an si than. US ram ah a kal dingmi minung 60 le Australia ram a kal dingmi minung 54 an si.

Mah US ramthumnak kal dingmi chungah Rohingya ralzam minung 4 (chungkhat 1) te lawng an itel. Laimi deuh ngawt lawngte an si. Australia ram kal dingmi chung belte ahhin Middle East rammi minung 12 le Rohingya 1 an itel ve hna.

Theihternak: Copy le Website in post a ngah lai lo (Pumpak timeline lawngin share a ngah)

Salai Eric Cenhrang