April Chung, Ramthumnak (US Le AUS) Kalnak Kong Milu Zat A Fiang Cang

Atu thla (April) chung vialte i US le Australia (ram 3nak) hna ah a kal ciami hna le a kal rih lai dingmi milu zat cu thla pumpi huap in a fiang cang. Thla hramthok zongah April 1-4 karlak chung i a kalmi hna milu zat zong ka rak langhter bal cang.

Mah bantukin 2019 chungah dong lo cat lo tein  ramthumnak kal a um cuahmahmi hi lunglawmh awk ngai taktak a si ko, Laimi kan ca ko ah a si khun, kan caan a chia kan ti lioah Pathian nih kan upate hna hmangin a kan dirhkamh than lengmang.

March chung i US kalmi hna an dihlak milu zat ka rak langhter cang bantukin, atu April thla chungah ram 3nak a kalmi hna milu zat zong pehzulh tein ka vun langhter than.

Tukum. 2019 chung Malaysia ram in ralzam ramthumnak kalning le a kal rih lai dingmi kong kan zoh tikah a ttha lei a panh ngaingai ko. A hleice in, Australia nih Chinmi tam deuh in an kan laakmi hrim hi a si.

Tuthla (April) chung vialte ah ram 3nak (US le AUS) ah a kal dingmi (a kal ciami hna he fonh in) minung 369 an si hna. US ram ah minung 266 an si, mah chungah Rohingya minung 32 an itel. Cun Australia ram ah minung 103 an si, mah chungah middle east rammi minung 26 le Rohingya minung 2 an itel ve.

Mah link hi hmet law, March thla chungah ram 3nak kalnak kong na rel khawh lai>>>>>>>>

http://tialliant.sg-host.com/2019/03/18/march-thla-chung-vialte-us-kalnak-kong-le-milu-zat-langhternak-thawng-bultan/

Theihternak: Copy le Website in post a ngah lai lo (Pumpak timeline lawngin share a ngah)

Salai Eric Cenhrang

Comments are closed.